Nikum August thla vela Zemabawka hmeichhe naupang pawngsual tumtua puh Hringthantluanga chu nimin khan District & Session Judge Pu KL Liana chuan thiamloh chantirin IPC Sec 354 anga hremin thla 8 tâng turin a ti.
Thuremnaah chuan Hringthantluanga hian a nupuia chhung te hmeichhe naupang kum 12 mi chu khawih a tum tih finfiahna a awm chiah lo a, he naupang khawih a tum nia sawi hian chu-tianga khawih a tum loh thu Court-ah a sawi bawk si a, chuvang chuan pawngsual tum ni lovin hmeichhe zahawmna tichhia tiin thiamloh a chantir a, Central Jail lamah a thawn nghal a ni.