Thlipui (Cyclone Mahasen) chuan Mizoram a thlen tak tak loh avangin, harsatna leh chhiatna thlen a nei lo.
Science and Technology Wing-a thawk-tute sawi danin, Mahasen thlipui hian nimin tlai dar 4 vel khan Mamit District lam a hrut a, amaherawhchu Mizoram a thlen tak tak hma in a chakna tam zawk a hloh tawh avangin, a thawk na lo hle a ni.
He cyclone lo thleng tur avang hian state pum a inralring hle a, chhiatrupna thlen thulha chet lak dan tur ruahmanna pawh felfai taka siam a ni a, Thulakna tarlan danin, Cyclone lo thleng tura lo inven lawk nan Saiha District-a Rawmibawk khua chuan invenhim nan an khaw chhung leh a chhehvelah tawmbuk, bunker 22 an lai a, amaherawhchu thli na an tuar lova, Mizoram khawi hmun aṭang mahin chhiatna a thlen hriat a ni lo a ni.