Baptist Church of Mizo-ram (BCM) chuan Mizorama cable TV neitu, pawl leh mimalte chu TV-a an thil chhuah kawngah fimkhur turin an ngen.
Thuchhuah siamin Baptist Kohhran chuan TV-a thil chhuah ṭha lote hi suala mihringte hruai luttu, tipun-luntu leh naupang lamte hruai khawlo theitu a nih avangin film bawlhhlawh leh sex lama mite hruai khawlo thei chhuah thuah fimkhur turin Cable TV neitute a ngen a.
BCM Social Concern Committee chuan tunlaia Mizorama sualna sang zelah hian, chhan hrang hrang zingah TV-a thil chhuah ṭha lote hi sualna tipunlun a, ṭhangthar leh naupang lamte hruai khawlotu pakhat niin a hria, a ti. Hei vang hian cable TV-te chu film ṭha lote tichhuak lo turin an ngen a, he ngenna hi Mizorama Cable TV neitute hnenah ziakin a pe a ni.