Mizoram News

Buhfai kawngbo Qtls. 557.74 awm ti

Pu Lalthanzuala, Store Keeper hlui chuan kum 2005-2009 inkarah Aibawk Supply Centre Account Audit a nihin buhfai kawngbo Qtls. 557.74, `5,18,698/- man a awm thu a sawi.

Pu Lalthanzuala hian Aizawl Press Club-ah chanchinthar thehdarhtute kawmin he buhfai kawngbo hi sawrkar chuan chhui chhuak lovin a titu a ni lo chungin amah chu a hna aṭanga ban a nih thu a sawi.

Hemi chungchangah hian Pu Lalthanzuala chuan buhfai kawngbo hi thup tum a ni tih sawiin, Vigilance Department leh Supply minister hnena chhui chiang tura tih a ni chung-in chhui zui a ni chuang lo tih a sawi a, mi ṭhahnemngai pahnihin RTI hmanga an zawh hnuah pakhat zawk chu pawt lêt tura ngen a nih hnuah pakhat chuan pawt let ve lovin lehkha pawimawh engemaw zat dil chhuah a ni, a ti.

Buhfai kawngbo chungchangah hian khatih hunlaia Supply Inspector chu a mawhphur bertu nia hriat a nih thu leh buhfaite hi ziah bo an ni tih a sawi a, he thil thleng avang hian amah chu a mawhphurtu a ni lo chunga puhin bân a nih thu leh lehkha hmuhchuah a har avangin tunah a sawichhuak ta chauh tih a sawi a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram