Trade Union pawl hrang hrang ten Mizoram-a Employment Provident Fund Organisation (EPFO) Sub-Regional Offce neih ve ngei an phut tih an sawi.
Aizawla thuthar lakhawmtute kawmin, Bharatiya Mazdoor Sangh (BMS), Centre for Indian Trade Union Mizoram (CITUM) leh Mizoram Labours’ Union (MLU) aiawh te chuan EPF Organisation chu sorkar laipuia Ministry of Labour & Employment hnuaia awm a ni tih an sawi a, hemi hnuaiah hian sawrkar laipui chuan Employees Provident Fund Scheme (EPFS) chu Mizoram chhunga Public Sector Undertakings, Corporate Body leh Autonomous Body bakah Private Company, Private School leh Private Hospital hnuaia hnathawktu tam tak ten an zawm mek a, hei hi a chhan chu EPFS hi Employees Security dik tak, damchhung a Financial Support pe thei tu tha ber, Sawrkar laipui pawhin a ngaih pawimawh avanga Establishment zawng zawng mi 20 aia tam ruaite zawm ngei ngei tur a tih vang a ni a, thlatin Pension neive loh te tana an neih ve theih na tura ruahman a ni an ti.
Thuthar Lakhawmtute kawmna hi Bharatiya Mazdoor Sangh National Executive Pu Francis Lianmawia’n kaihruaiin , Trade Union te tawiawma tel Labour Commissioner Pu Rotluanga chuan EPFS zawm hnathawktu chuan a thlatin hlawh atanga za zela 12 aia tam lo a thawh anga, a ruaitu in za a 12 vek a thawhsak ve tur a ni a, hemi atang hian hnathawktu chuan kum 10 chhung EPFS hi a zawm hnuah a dam chhungin thlatin Pension a nei thei tawh ani tih a sawi.