French Open Update

Tommy Robredo chuan set hmasa pahnih a hloh hnu-ah Nicolas Almagro chu 6-7 (7-9), 3-6, 6-4, 6-4, 6-4-a lehthalin French Open Last 8 a lut ta a, Robredo hian a zawnin match 3 chhung set hmasa pahnih a hloh hnu-in hnehna a chang leh thei zel a, kum 1927 hnu-a Grand Slam tournament-a hetiang ti thei hmasa ber a ni a, Robredo hian David Ferrer a hmachhawn leh ang.

Seeded No. 2 Roger Federer pawhin Quarterfinal thleng turin Gilles Simon chu 6-1, 4-6, 2-6, 6-2, 6-3-in a hneh hram a, Federer hian Jo-Wilfried Tsonga a hmachhawn leh dawn a, Tsonga hian Viktor Troicki chu 6-3, 6-3, 6-3-in a hneh a ni.

No. 1 Novak Djokovic pawhin Philipp Kohlschreiber chu 4-6, 6-3, 6-4, 6-4-in a hneh a, Quarterfinal-ah Tommy Haas a hmachhawn leh dawn a ni.

Hmeichhe lamah Victoria Azarenka chuan Francesca Schiavone chu 6-2, 6-1-in a hneh a,Quarterfinal-ah Maria Kirilenko a hmachhawn leh dawn a, Ana Ivanovic chu Agnieszka Radwanska  lakah a tlawm a, Radwanska hian Sara Errani a hmachhawn leh dawn a, Sara Errani hian Carla Suárez hnehin Quarterfinal hi a lut a ni.