Hmawngkawnah FMD vangin sial pakhat thi

Serchhip District chhung, Hmawngkawn khuaa Sial vulh lai engemawzat chuan ke leh ka na hri ‘Foot and Mouth Diseases (FMD)’ an vei mek avangin Sial vulhtute an mangang hle a, Vety Field Assistant (VFA) in cham chilhin FMD natna kaite hi enkawl mek an ni.

Hmawngkawn-ah hian chhungkaw 16 in sial vulhin, heng sial te hi ramhnuaiah duh duhna ah an tla mai thin a, tunhnai khan Sial thenkhatin FMD natna an vei tih hriatchhuah a ni a. FMD natna vei zinga 1 chu thi tawhin, a dang 9 enkawl mek an awm bawk. Hmawngkawn-ah hian Sial 43 vel awma hriat a ni a, ramhnuaiah an tlat avangin la hmuhchhuah loh engemawzat an la awm a, hengte hi zawn zui mek an ni.  Kum 2009 khan Hmawngkawnah hian FMD avangin Sial tam tak an lo thi tawh bawk. Tun tuma FMD an kai dan hi chiang taka hriat a la ni lo. Kum 1983 atanga 2009 inkarah khan Sial vulhna Hmawngkawn khua-ah hian FMD avangin sial 32 an lo thi tawh nia thudawn a ni.

-zalen.co.in

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram