Inhnawhchhuahna tur dân siam a ngai:MTC

Mizoram Trinamool Congress chuan ruihhlo emaw, dan lova zu zawrh/zu sak emaw chungchangah khua aṭanga inhnawhchhuah hial a tul a nih pawhin a tlawhchhan tur dan siam vat a tul a ni, an ti.

TMC hian Inrinni khan Aizawlah an President, BT Nghinglova hovin thuthar la-khawmtute an kawm a. Inhnawhchhuah chungchangah dan tlawhchhan tur siam thuai chu tihmakmawh a ni tiin, Assembly Session neih lai a nih loh pawhin State Governor-in ‘Ordinance’ a chhuah thei a ni, an ti a. MLTP Act siamthat a tul leh tul loh chungchangah rorel lai party chu Zorama political party hrang hrang a rawn vat tur a ni, an ti bawk.

Sorkar awum dinhmun fiahfai taka mipui hnenah hriattir tur te, sum lama harsatna chu NLUP nen sawizawm a nih fo avangin sorkarin a dinhmun dik tak mipui hriata puangzar tur te, inrukbona thleng chung-changah sorkarin action a lak tawh zawng zawng mipui hmaa puangzar tur te, Laipuitlang leimin chungchangah Magisterial Enquiry report kimchang mipui hriattir thuai tur leh hetiang thil a thlen tawh lohna tura sorkar hmalak dan leh Judicial Enquiry tih a nih loh chhan puangzar turin Mizoram sorkar an phut tih Mizoram TMC President, BT Nghinglova chuan a sawi a. Tunhnaia sakhaw hmuna bomb puak chu ngaihzam mai chi a ni lo tih sawiin, a chhui chiang turin Magisterial Enquiry neih ngei ni se an duh tih a sawi.

-zalen.co.in

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram