Leimin tihchhiat hlut zawng cheng nuai 907 chuang

May ni 11, 2013 Laipui-tlang Leimin in a tihchhiat In leh bungraw hlutna chhung-kaw 31 in report atanga chhut chhuah tawh chu `907,37,335/- a tling .

Laipuitlang Relief Committee hruaitute sawi danin, kha leimin tuartu, In neitute leh luahtute chuan an In hlut zawng leh an bungraw hlutna te chu chhutchhuak vekin, an report hi Laipuitlang Relief Committee hruaitute hnenah an thehlut a, Leimin thlen aṭanga thla khatna vel-ah In leh leh bungraw hlutna hi chhutchhuah theih chauh niin, report a alan danin, kha vanduaina thleng-ah khan Laipuitlang huamchhung ringawt ah `704,49,835/- hu bungrua leh In chhia a awm a, Ramhlun venglai huam chhung-ah `202,87,500/- hu bungrua leh In chhia a awm bawk.

Thudawn danin, kha Leimin vanga chhiatna tuartu Laipuitlang Relief Committee a inhriattir hi Lai puitlang huam chhung-ah chhungkaw 30 an awm a, Ramhlun venglai area ah chhungkaw 4, an vaiin chhungaw 34 an tling a, hetihlai hian Relief Committee hnena an bungrua leh In chhia hlutna hu chhutchhuak a report thehlut chu chhungkaw 31 an ni.

Tun thleng hian Leimin in ala chhilh kar a bungraw awmte lakchhuah hna JCB leh lirthei dang hmangin la thawh chhun zawm zel a ni a, leimin kara bungrua la awmte hi lak chhuah zawh thawhkhat tawh a nih vangin tunkar chhung bak hi chu JCB hmang hian hnathawh a ni tawh dawnlo a, mihring tha hmangin a theih ang angin bung-raw senghawi hna hi thawh chhunzawm a ni dawn a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram