MNF-in an sawrkar veleh chinfel sak thuai intiam

MNF Vice President Dr. R.Lalthangliana chuan MNF a sawrkar ve leh Lumpsum Grant-in-Aid school 26 te thilphut chu harsa lo te-in an chinfel sak dawn niin a sawi.

Inrinnia Thingsulthliah YMA Hall a MNF party workers inkhawmnaah Dr. R.Lalthang-liana chuan heng sikulte hi dinhmun ṭha zawka hlan kaia provincialised thlenga an dah dawn thu a sawi a. School 26 lai khar chungchanga sawrkar-in mawh phur lo nia an insawi mam a tum nia sawiin, vanduaithlak a tih thu a sawi.

“Congress sawrkar hmasa-in School 48 Adhoc Aided-a a lo dah tawhte chu MNF sawrkar chuan Congress thil tih a nih vang ngawtin an hnawl sak lo tih sawiin, kum 1998-a an sawrkar khan Provincialised-a dahsak ṭha a ti a, ‘The Mizoram Aided Middle School Provincialised Rules 1994’ hmangin ni kum 2008 khan heng school 48 atan hian post 301 siamin, sawrkar school-ah an lehsak ta niin a sawi a. MNF sawrkarin VRS a siam chu Central sawrkar Finance Minister paw’n a phurpui tih a sawi a. An pension chhuahpui tur central-in a pek theih mai loh avangin, khatih laia CM Pu Zoramthanga chuan ADB lamah VRS leh Health Care Scheme atan sum pûk a tih theih tih an hria a, mahse an sawrkar a tlak hnu-ah Congress sawrkarin zir chiang peih lovin an chhawm a, an buai ta a ni, a ti.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram