Mourinho Chelsea-ah a kir ta

Jose Mourinho chu Chelsea Boss ni turin a vawi hnihna atan Stanford Bridge-ah a kir leh ta a, Chelsea tan hian kum 4 daih tur Contract a ziak a ni.

Kum50-aupa, Mourinho hian Rafael Benitez a thlak dawn a, tunah hian Official-in lakluh a la ni lova, karleh Thawhṭanni, June ni 10 khian Press Conference-ah Official-a lakluh a ni dawn a, Mourinho hian a rual hian coaching staff tur mi pathum Rui Faria, Silvino Louro leh Jose Morais te a hruailut tel dawn a ni.

Chelsea Chief executive Ron Gourlay chuan, “Ani hi kan Club-a mi langsar ber a ni reng a, mitin hian hnathawhpui leh hun hi an nghakhlel a ni,” tiin a sawi a, “Jose hi kan lalet leh thei hi ka lawm em em a ani hian kan club hi ropui takin min kaihruai leh anga hmalam panin kan kal zel dawn a ni,” a ti bawk.

Mourinho hian kum 2004 leh 2007 inkar khan Chelsea hi alo kaihruai tawh a, FA Cup nakah League Cup vawi 2 leh Premier League title 2 a lakpui a, mahse Club neitu, Roman Abramovich nen an inkar a ṭhat loh avangin kum 2007 September khan Chelsea a chhuahsan a, Chelsea a chhuahsan hnu hian Inter Milan chu Serie-A leh Champions League trophy a lakpui a, Real Madrid lamah kal lehin Spanish La Liga title a lakpui leh a, mahse tun season-ah Real Madrid chu eng trophy mah a chawipui lova, Real Madrid senior player ṭhenkhat te nen an inkar a ṭha lo nia sawi a awm bawk a, Real Madrid chhuahsanin amah duhtu leh amah pawhin nuam a tihna hmun Chelsea-ah bawk a lut leh ta a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram