Mualkhang Joint Action Committe chuan an khaw ram chhunga Dan lo a Bawk khawha awm, chhungkaw engemaw-zahte chu July 31,2013 hma ngeia an awmna hmun chhuahsan turin hriattirna an pe a, hei hi an zawm lo a nih chuan khawtlangin a ṭul angin hma an la dawn tih an sawi.
Mualkhang YMA in Survey an neih hnuhnun berah chuan chhungkaw 50 vel an tling tawh a, an zingah hian a tam ber chu Burma lam mi niin, Mizo dik tak Voters ID nei chu chhungkaw 5 vel chiah an awm a, a dang zawng chu Dan lo a khawsa vek an nih thu a sawi a. Thudawnna in a sawi danin, helai hmun a Bawk khawha awmte zingah hian Dan lo a awm ILP pawh neilo Vai chhungkaw 4 leh mahni a khawsa In 2 an awm a, a dang zawng chu Burma lam mi vek an ni.
Survey report a alan danin helai hmuna khawsa te hian eizawnna mumal lutuk pawh an neilo niin tarlan a ni.
Helai Bawk hi kum 2002-2003 vela awm tan niin Mualkhang Gas Bottling Plant behchhana inbengbel an ni deuh vek a, Zirna In pawh engmah a awmlo a, Sorkar kutthlakna dang engmah a awmlo niin an sawi.
Helai Bawk a awmte hi hetiang anih avang hian an mangang hle niin thu dawn a ni.