Mualzen a In 6 neitute chuan Zirtawpni khan Champhai Sub-Hqrs. YMA ngenna ngai pawimawhin an In ṭheuh an ṭhiat.
Thulakna tarlan danin Champhai Sub-Hqrs. YMA chuan Mualzen a chhungkaw 6 cheng mekte chu helai ram neitu Chhungte VC leh Chhungte Branch YMA pawhin Mualzen a chêng lo tura Champhai DC hnena ngenna an thlen avangin heta chêng mek chhungkuate chu an chênna chhuahsan turin a ngên a. Zirtawpni khan Champhai YMA Sub-Hqrs. Executive Committee in Mualzena chhungkaw 6 awm mêkte hmalâk dân a hmuna enfiah tur leh a ṭul anga hnatlanpui tura thutlukna a siam angin Mualzenah hian an kal a.
Sub-Hqrs. YMA hruaitute Mualzena an thlen thlak hian heta chêng mêkte hian a hmalama ngenna an lo siam tawh chu ngai pawimawhin an inchhung bungrua te an thiar chhuah bakah an chênna in pawh an ṭhiat nghal tih an zu hmu a. Sub-Hqrs. YMA hruaitu helai hmuna kalte hian hnatlangin an puibawm nghal a, Mualzen a chêng chhungkuate hi Champhai Kanan leh Dinthar venga chenna in nei sa an nih hlawm vângin an bungrua te pawh Champhai lamah hian an thiar let nghal a ni.