Aizawl District Addl. Dy. Commissioner i/c NLUP Cell chuan Industry hnuaia trade hrang hranga NLUP 2nd Phase sum dawngtu 11 te hnenah an sum dawn an hman dik loh avangin ‘Show Cause Notice’ a pe.
Heng NLUP sum dawnga hmang dik lo 11 te hi Bungkawn Vengthar ah 3, Rangvamual ah 2, Vaivakawn, Chanmari W, Venghlui, Laipuitlang, Bawngkawn leh Dawrpui Vengthar ah pakhat ṭheuhte an ni.
Addl. DC chuan NLUP Manual 2009, Bung III na in a sawilan ang leh NLUP Manual Annexure – II a an intiamkamna anga ṭanpuina sum hi an hman dik loh chuan a pung (interest) 5% nena an sum hmuh tawh rul tur an nih lohna chhan, dawn chhunzawm tir tawh loh leh sawrkar ṭanpuina dang reng reng dawng thei tawhlo tura hrem an nih lohna chhan tur sawifiah turin a ti a ni.
June 21 thlenga NLUP sum hmang diklo te report thehluhna district hrang hranga Bawrhsap te hnena thehluh theihah pawh report a lut nual tawh a, heng NLUP ṭanpuina sum hmang diklote hi enliam mai mai an ni dawn lo tih nimina sawrkar thuchhuah chuan a tarlang.
Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117