Saikhumphai chungchanga inrawlh lo turin ngen

Mizoram News

Vaphai Joint Action Committee chuan sawrkar hmalakna leh thil tih ring ngama Saikhumphaibawk chungchanga boruak ṭha lo siam thei zawnga inrawlh lo turin pawl hrang hrang leh mimalte a ngen.

Hemi chungchanga an thuchhuahah Joint Action Committee Chairman, Pu Saithan-siama leh Secretary, Pu Ngursailova chuan Saikhumphaibawka thil thleng chungchanga pawl leh mimal ṭhenkhat hmalakna awm ṭhin chu boruak ṭha lo thlen thei a nih avangin an duh loh thu an tarlang a, sawrkar hmalakna ring ngam turin mimal leh pawl hrang hrangte chu an ngen bawk.

Tunah hian he khuaa awmte chu sawrkarin a thlawna a chawm bakah, an mamawhte a pe zui zel nia sawiin, pawl leh mimalte chu tanpuina pe rih lo turin an ngen a, Mizoram Kohhran hruaitute Committee-in ṭanpuina a pek theih tawh a ti ni awma thuthang awm chu thil hriat sual palh niin an sawi bawk.

Vaphai Joint Action Committee chuan Saikhumphaibawk chungchanga court thutlukna siam court sâng zawka khing a, he bawk sawnna tura ṭan an lakna chu ṭha tiin a tawp thlengin thlawp an tum tih an tarlang bawk a ni.

Leave a Reply

This site uses Akismet to reduce spam. Learn how your comment data is processed.