Kumin March ni 11-a Lok Sabha-a pharh tawh “The Agricultural Biosecurity Bill” chuan, thlai leh ran himna tur dan kimchang a funkim ngei theih nan state hrang hrang aṭanga rawtna lakkhawm mek a ni.
Hemi chungchangah hian Mizoram Agriculture Department pawhin a ngaihdan sawi tawhin, Agricultural Biosecurity Bill chu ṭha thawkhata a ngaih thu a sawi a, hetihlai hian, chemical hmang lo rannung thahna hlo, Biopesticides lama hmalakna tur erawh telh ni thei se, Genetically Modified or Equipped Crop chungchang pawh lang tam se an ti a ni.
Hemi chungchanga ngaihdan leh rawtna siam duh tan ziakin a thawn theih a, a thawnna tur address chu- The Dy Secretary (AGR), Lok Sabha Secretariat, Room no 616, Parliament House Annexe, New Delhi, pin code -110001 a ni a, ph no -23034042 ah a phone theih a, fax no 23018865 a ni. A duh tan E-mail address [email protected] ah a thawn theih bawk.