Mizoram News

Sumo chhuahna hmun leh thlenna hmun thlak

Thenzawl – Aizawl inkar sumo chuan man Rs.200/- aṭanga Rs.180/- a sawrkar rate anga tlan tura Mizoram Consumers Union, Thenzawl Branch te hmalakna kal mekah, Maxi Cab Service Association leh MCU ten inremna an nei thei lova, hetiang anih avang hian nimin aṭang khan Thenzawl Sumo te chuan an Counter aṭanga chhuak lovin, Thenzawl khaw tawntirh Pu R.Laldenga In bul, AMFU Market, Venghlun aṭanga chhuakin, an haw lamah pawh helai thleng chauh hi Passenger an phur tawh dawn  tih an sawi a, hei hi Sawrkar-in Rs.180/- a Sumo fare a bithliahna KM chin chiah nia an ngaih thu an sawi.

Thenzawl leh Aizawl inkar Sumo-te hian Rs.200/-a tlan tawh lo tur leh sawrkar rate anga Rs.180/- a Serchhip District Transport Officer-in a hriattir tawh hnuin, V/C, NGO te nen Jt. Meeting neiin hemi chungchang hi an rel a. Jt. Meeting chuan Rs.200/- a an tlan hian MCU lam ten Complaint thehlut tawh lo mai tura ngenna siam an rel a. An lehkha thehluh hi MCU lam chuan Committee neiin, an pawm thei lova. Thawhlehni khan Thenzawl-Aizawl Sumo Service ṭhenkhat chu MVI lam ten, Rs.200/-a an tlan avang hian an Permit an man sak nghe nghe a.

Hemi hnu hian Sumo Driver leh Sumo neitute leh Counter neitute chuan Emergency Meeting neiin, tuna tlan an tum dan ang hian tlan an tum ta niin thulakna chuan a tarlang a, hetianga Thenzawl Sumo ten Passenger an lam leh a thlah tak loh avang hian mipui ten harsatna an tawk chho nasa hle dawn niin thulakna chuan a tarlang bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram