Lumpsum Grant-in-Aid school 26 te chu ni 3 khar a nih hnuah nimin khan Association tiam angin hawn ṭan leh a ni a, an thilphut chu Mizo Students Union nen ṭangrualin tun thla chhunga chinfel turin an nawr dawn tih an sawi.
Hemi chungchangah hian, Mizoram Govt. Lump sum Gran-in-Aid School Association leh leh School Managing Board te chuan thutlukna an lo siam tawh a, an thilphutte tun thla chhunga chinfel a nih loh chuan nasa zawka sawrkar nawr an tum thu an sawi a ni.
Lumpsum Grant-in-Aid school chungchangah hian sawr-kar chu a khauh hle a, Private school te chu khawtlang leh mi ṭhahnemngai ṭangrual ten an din a ni a, a enkawl enkawl zui pawh an mawhphurhna a nih thu leh, chumi piah lam chu sawrkar mawhphurhna a nih loh thu Education Secretary chuan a lo sawi tawh a ni.