Congress-in MLA Candidate tur nei fel tawh

Lunglei District-a MLA bial 7 zinga Congress-in an lak loh awmchhun Lunglei West bialah Congress candidate tur tih fel a ni tawh a, he bial a ding tur hi inchuhna engmah awm lovin Congress Party chhungah ruahmanna siamfel a ni tih Lunglei District Congress Committee chuan a sawi.

Nimin khan LDCC hian an District-a Congress MLA 6 te ko khawmin Tourist Lodge ah meeting an neihpui a, MLA 6 – Pu Zodintluanga, Pu PC Lal Thanliana, Pu Nihar Kanti Chakma, Pu Joseph Lalhimpuia, Pu S.Laldingliana leh Pu John Siamkunga te chuan mipuite tana hnathawh kawr ha zel tura an inhuam thu an sawi a ni.

He meeting-ah hian Chief Minister Pu Lal Thanhawla kaihhruai sawrkar an rintawk thu leh sawrkarna an chan chhunga Lunglei District chhunga hmasawnna awm zawng zawng chungah lawmthu an sawi a, Mizoram tana ro tling tur hmalak tawhna leh hmachhawp awm mekte tipuitling tura theihtawp chhuah an tum thu an sawi.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram