Nimin khan Congress Group-III Serchhip chuan Lalpuithanga Hall, Chhim Vengah Political training an nei.
He hun Group President Pu R.Lalhlimpuia kaih hruaia thusawitu Pu Ch.Lalngaih-awma Aizawl District Congress Committee President chuan, MNF Pu Zoramthanga term a zo tawh nia a hriat thu te, Serchhipin CM Pu Lal Thanhawla bialtu MLA-a a neih avanga an vanneihzia te, CM a nih avanga Mizoram pum bialtua a inngai chunga Minister tinin he biala hmasawnna thlentir an tum vek thu te, Party hruaitu zingah pawh Serchhipa Congress hruaitute chuan ngaih pawimawh an hlawh thu te, Pu Hawla chu CM/MLA nisaa Politics khel a nih bik loh thu leh MLA-a chuh tirha Champhaia a thlen in te zing tui chawi leh buh den a puih nasat zia te sawiin, Mizoram bial tin hian an biala dintir an duh vek thu leh a bial hnihna tal ni tur pawha an awh thu a sawi.
Pu Lalramliana Sailo pawhin, tun sawrkarah hmasawnna a nasat thu leh tualchhungah party mite inlungrualna tha tak a awm avanga hma an sawn nasat thu te a sawi a. Congress Party zawmthar ṭhenkhat ten Congress Party an zawm chhan an sawi bawk a ni.