Lunglei District Village Council Association chuan VEC te nena an thawhhona a ṭhat loh thu an sawi hnuah an inkar khi chu a zau chho ta hle a, Lunglei District VC intelkhawm ten sawrkar kum kal meka MGNREGS hnathawh turah VEC tel an remti tawh lo tih nimin khan thuchhuah siamin an sawi.
An thuchhuahah chuan, Sawrkar kum 2013 – 2014 MGNREGS hna lo awm leh tur aṭangin MGNREGS hnuai a hna thawh tur reng reng work component leh material component pawisa lak chhuah ngai ah VEC seal hmang tawh lovin VC seal hman nise an ti a, Department aṭanga VEC seal hmang lova pawisa lakchhuah remtih lohna a awm a nih chuan Lunglei District huam chhunga VC tin ten VEC seal hmang mai lova a rang thei ang bera LDVCA President emaw Gen. Secretary emaw hriattir tur an ti a ni.
Lunglei District Village Council Association hian VEC te nena an thawhhona a ṭhat loh thu nikum August ni 3 khan RD Department Minister hnenah thlenin VEC ṭhiat tura ngenna an lo siam tawh a, hemi chungchangah hian tunthlengin hmalak zuina a awm ta rih lo a ni.
Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117