Nimin khan Mizo Ṭawng Ziah Dan lehkhabu chhut hnihna, Mizoram Board of School Education hnuaia din Mizo Language Committee in a buahsaih chu Pu Lalthang-fala Sailo, Chairman, Mizo Aca-demy of Letter chuan Mizo-ram Board of School Education Conference Hall-ah a tlangzarh. He lehkhabu hi kum 2008 a lo tihchhuah tawh Mizo Ṭawng Ziah Dan ennawnna leh tihlenna (revised and enlaged/ second edition) a ni.
Khuallian Pu Lalthangfala Sailo chuan Mithiam ten ṭawng hi a ṭhang zel a ni an ti a mahse heng kan ṭawng ṭhang zelte hi a zikpuiah ngei ṭhang thei se a duhawm hle a ni a ti.
He inkhawm kaihruaitu Dr. Lalchungnunga, Chairman MBSE & Mizo Language Committee pawhin thu sawiin tun dinhmunah kimchang taka hetiang lehkhabu hi siam a la harsat avangin hei aia lian leh funkim zawk buatsaih tum a nih thu a sawi a, tuna an siam chinah leh la chhuah tharleh tur atan pawh sawi duh emaw rawtna nei duh emaw te tan an inhawng hle a ni tih a tarlang.
Pu. R. Vanramchhuanga, Director (Academic) & Coordinator, Mizo Language Committee in report a pe a, report a a lan danin chhut hmasa a ziahlan ve loh; thumal dang nena ziah zawm loh chi thumal 14 dah thar a ni a, thumal dang nena ziah zawm hun leh ziah zawm loh hun awm chi thumal 21 dah belh a ni bawk a, hei bakah hian chhut hmasaka thumal ṭhenkhat ziah hran tura tih tuna ziah zawm tura tih leh tak 5 a awm bawk.