Mizoram-a Medical College din tur chungchang sawiho

Mizorama Medical College din a nih theihna tura sawrkarin hma a lakna te sawiho-in nimin khan Chief Minister Pu Lal Thanhawla hoin a office-ah Working Group Committee an ṭhukhawm.

Working Group Committee hi sawrkarin Medical College dinna tura hmalatu atana alo din tawh a ni a, Chairman ah Pu S.Laldingliana, Parliamentary Secretary a ruat a ni.

He committee hian sawrkar hmalaknate bawhzuiin, Central sawrkarah Detail Project Report te a alo thehlut tawh a, hetihlai hian Central sawrkar chuan Scheme thar rawn duangin India ram pumah Medical College 55 din a, College pakhat zel tan infastructure development leh equipment atan Cheng vaibelchhe 200 zel a ruahman a,a enkawlzuina tur leh inrelbawlna (maintenance costs leh running costs) tur erawh chu State sawrkar tum tura a tih avangin meetingah hian sawiho a ni a, hei hi Mizoram, State pachhia tan chuan a tlin dawnlo a ni tih an sawiho a, chuvangin Chief Minister Pu Lal Thanhawla duhdanin Central sawrkarin Cheng vaibelchhe 200 a ruahman chu pawm phawt nise an ti a, Mizoram Medical College bik chu Central sawrkar tum vek (central government fully funded) turin working group hian Chief Minister bawhzui atan ruahmanna siam se tiin thutlukna an siam a ni.

Meeting-ah hian Pu S.Laldingliana, Parliamentary Secretary leh Health Services hotute an tel a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram