Mizoram News

MJA Press Release

Mizorama journalist pawl thar – Mizoram Periodical Journalists’ Association (MPJA) chuan an indin thu Mizoram Journalists’ Association (MJA) Hqrs. Aizawl an rawn hriattir a.

Hetia journalist pawl dang lo din takah chuan mipui tan MJA leh MPJA chu ngaihfin theih, ngaihpawlh theih a nih avangin MJA chuan thil awmzia sawi chian tulin a hria a.

Pawl lo ding thar, MPJA chu Aizawla hun bik neia chhuak magazine-a thawktu journalist thenkhatte din a ni a. MJA chu Zoram pum huap, ni tin chhuak, kar tin chhuak, thlakip chhuak chanchinbu leh electronic media – All India Radio, Doordarshan, LPS, Zonet leh Cable TV Operator dang chanchinthar puang thina thawk journalist te intelkhawmna a ni a, ngaihfin loh ni se MJA chuan a duh a. MPJA leh MJA hi pawl hrang hlak, inzawmna nei lo an ni tih lo hriatsak turin MJA chuan mi zawng zawng a ngen a ni.

Sd/-
( D.R. ZIRLIANA)
Gen.Secretary
Mizoram Journalists’ Association
General Headquarters
Aizawl : Mizoram.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram