Nimin chawhma dar 10:30 khan Serchhip Town Area Rate & Wages Control Committee chu Addl. DC Pu Lalsangliana hovin Serchhip DC Meeting Room-ah an t?hukhawm a, he committee-in Serchhip Town area chhunga mipui mamawh chi hrang hrang leh an rate hmanlai te zirchiang tura a din ‘Study Group’ te report thlir hovin hmalak leh zel dan tur te an sawi ho a ni.
He ṭhutkhawmah hian mipui nitin mamawh chi hrang hrang bakah, a bik takin Sa chi hrang hrang man te leh chumiin a kaihhnawih theih thilte ngaihtuah a thlir ho a ni a. Vai Mistiri, STARWCC in rate a siam anga thawk duh lova Ṭheka chauha an thawk ṭhin pawh ILP inpek dan kalphung kalh a nih avangin permit cancel-sak thlenga hrem theih an nih thu pawh sawilan a ni.
Serchhip Town Area Rate & Wages Control Committee chuan Association hrang hrangin an duh hun huna an duh zat zata rate an insiam mai ṭhin chu mipuite tan ṭha a ti lova, chuvangin mipuite mamawh hrang hrangte leh hlawhfa rate te thlenga inbuk tawk tura ruahmanna fel tak neih a ṭul avangin sumdawng pawl leh mimalte pawh mipuite hma ngaia mahni duhthua rate insiam mai lova sawrkar thuneitute zai ngai hram hram ṭhin turin a chah a ni.