Mizoram News

Tlabung District ngiata kawngzawh hmanpui ve tum

Naktuka Tlabung District Demand Committee buatsaih a District ngiata Tlabung a kawngzawh turah Chhimbial Chhantu, Lunglei hruaitute chuan hmanpui ve ni se an ti.

Thulakna tarlan danin Lunglei lama Horticulture College din tura an lo nawr tawh laia tunhnaiah AMFU-in Sawrkar-ah Thenzawl a dah tur a an lo nawr ve leh daih chu Chhimbial Chhantu pawh hriatthiam har an tih thu an sawi a. Horticulture College hmun atan hian Pukpui daiah a thlawnin ram zau tak hmuh tur a awm tawh a, AMFU hmalak hma daih tawh khan Sawrkar-ah an lo thlen tawh ṭhin tih sawiin he College hi Lunglei a awm ngei theih nan hmalak zel nise an ti.

Heibakah Lunglei khawthlang lama Bangladesh nena ramri-a insumdawn tawnna tur ruahman tun thleng a tihpuitlin a la ni lo chu pawi an tih thu sawiin Tlabung khua in District hran an ngiat rual a nawr ve nghal ni se an ti a, Lunglei Bye-pass Road leh Chhimlama Airport siam tur tun thleng a la puitling thei lo te chu pawi an tih thu leh Assembly inthlan hma ngei hian ti puitling turin Sawrkar an phut nghal a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram