VC leh LC thuneina pek len tiam

MNF Vice Pre Dr. R.Lalthangliana chuan nimin zing khan Lunglei Circuit House-ah thuthar thehdarhtute kawmin, Sawrkar-na an siam anih chuan VC leh Local Council te thuneihna pek len a ni anga, Co-Operation tih changtlun a ni ang, a ti.

Dr Lalthangliana chuan NLUP leh party policy tur SEDP danglamna sawiin NLUP chu sem a ni a, SEDP-ah chuan sem a ni lo ang a ti a. SEDP-ah chuan chhungkaw tin tanpuina pe lovin a ti tak tak chiah enkawlin a tawp an thlenpui ang tih sawiin, aorkar-na an chang a nih chuan SEDP Programme kalpui nghal turin Minister dawhkanah Project an chhawp nghal dawn a ni a ti.

Zawhna chhangin Dr Lalthangliana chuan kum 25 zet a zawna Lunglei West atanga MLA a thlan tlin anih tawh thuah media leh mipui zarah lawmthu a sawi a, Inthlan lo awm leh turah a bial ngaiah a din dawn leh dawn loh chu Nomination Committee kutah a innghat a, anni thu thu a ni a ti.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram