New Serchhip-a Airtel Tower chu Thawh\anni khan Tower bulhnaia awm veng paho-ten a khawl an Off chu nimin khan DM&R Serchhip Nodal Officer Pu Vanlalrova, MCS hovin helai veng paho leh Airtel hotuten inbiakna an neih hnu-ah Airtel Tower khawl hi tinun leh a ni.
He Airtel Tower hi helai hnaia chengte hian an tan a himlo nia hria-in \hiat turin thuneitute hnenah ngenna an lo siam tawh \hin a, Pu H.Darzika, District Bawrhsap a nih lai pawh khan a hnehah Complaint thehlutin a ngaihtuahtu tur Committee pawh din a ni a, mahse tun thlengin hmalakna mumal a la awm lova.
Kumin June ni 20 khan helai veng pa-ho chuan Zonal Manager, Infratel hnenah August ni 15 hmaa \hiat turin ngenna an siam a, amaherawhchu August ni 20 thlenga \hiah a nih loh bakah chhânna engmah an hmuh tak loh avangin veng pa-ho chuan Thawh\anni khan an khawl hi an off sak ta a ni.
Nimina inbiakna an neihnaah hian helai vengpa ho chuan Tower khawl chuan in a hnaihin a bengchheng hle tih an sawi a, tin, an Tower Foundation, RCC chu tui vawi khatmah pek a nih loh avangin a rinawm loh tih sawiin, chhiatrupna thlen thei thil a ni tih an sawi a, tin, tower din dawnin a bul vela chengte remtihna lak a ngaih laiin he tower din dawn hian a bul vela chengte remtihna lak a nih lo tih an sawi a, NOC sign-tu New Serchhip VCP (term hmasa zawk) pawhin NOC a sign lai khan hetianga tower lian hi a ni dawn tih a hre lo tih a sawi niin thudawnna chuan a sawi a, Radiation pek chhuah chu Dân anga kalpui ni mahse helai hnaia chêngte chuan Tower hman hnu hian an hriselna lamah insawiselna neuh neuh an nei nasa deuh niin thu-dawnna chuan a sawi bawk.
Company lam aiawhte chuan an Tower chung-changah chuan tun dinhmunah anni lam chuan hmalak tum dan an neih loh thu sawiin, District Bawrhsap-in titura a tih ang anga an kal mai tur thu an sawi a, an Tower chu an sawn dawn a nih pawhin a sawnna tur hmun ruahman 3 tal nei turin veng neitute chu an hrilh nghal a, veng neitute pawhin an ngaihtuahpui tur thu an sawi niin thudawnna chuan a sawi a, Tower sawn chhuak tur hian New Serchhip VC leh YMA hmingin District Bawrhsap hnenah Complaint thehluh leh nghal tum a ni.