Zothlifim Logo
Loading ...
Mizoram NewsMizoram News

Nimin chhun khan Aizawl District Excise & Narcotics staff te chuan Chhinga Veng hmun 8 atangin Myanmar lam siam Apple leh Grape wine um 4848 (650 ml hlir) an man a, Magistrate order angin leihbuak/tihchhiat nghal a ni.

He thila inhnamhnawih nia hriat mi 6 – Ramluahpuia (29), S/o Biakthuama, Chhinga Veng, Aizawl; Lucy Lalengpuii (28), D/o Thlamuana, Falam , Myanmar, (Chhinga Veng, Aizawl a khawsa); Johny Lalpekliana (21), S/o Lalthuammawia, Tahan ‘C’ Group, Myanmar (Chhinga venga khawsa); Lalrokhumi Zadeng (38), D/o Lalthlira, Hmuntha, Myanmar (Chhinga Venga khawsa); Lalenthanga (37) S/o Lalhmunsiama, Dawrpui Vengthar leh K.Liansanga (36), S/o Vanthuama (L), Chhinga Venga khawsa te chu man nghal in MLTP Act1995 hnuaiah thubuai an siamsak nghal a ni. Heng thil man te hi tualchhung rate ah chuan `7,27,200/- hu vel a chhut a ni.

Aizawl District Excise & Narcotics staff te hian tun thla tir lam khan hetiang ang wine hi \um 2 man tawhin a neitu ni a hriat te chu thubuai an lo siamsak tawh a ni.

Heng apple leh Grape Wine khawchhak atanga lo kal hi tunlaiin School naupang leh thalai tam tak ten ruih nan an hmang nasa hle ni a hriat a ni.