Mizoram News

MMSA-in sawrkain mi tê te a ngaihsak lo niin an sawi

Mizoram Ministerial Service Association (MMSA) chuan sawrkar chu mi tê te ngaihsak lovah a puh a, a te ten ngaihsak an hlawh lova, a lian thil phut erawh an ti hlawhtling zel a ni an ti.

MMSA chuan nimin khan Aizawla thuthar-lakhawmtute kawmin nikum August thla a an thil ngiat avanga ni 4 chhung Mass casual leave an lak chu ngaihsak hlawh lovin ni 4 hlawh Cut sak an ni zawk tih an sawi a, tunhnaia pawh pawl lian zawk MCTA Subordinate Police Service te leh pawl dang te chu changtu bik Minister nei an nih avanga an hlawhtlin bik thu sawiin, sum tamtak senna ah pawh tihhlawhtlin sak an nih laiin, an pawla UDC leh LDC te kaisanna post ruak chu sum sen belh tur awm miah lo chungin Sawrkar chuan a tihsak duhlo tih an sawi a, he kaisanna hi an hlawhah chuan ACP avangin an lak tawh tho avangin hei hi thil tih harsa a nih loh thu leh an dinhmun ngaiah hian a tam zawk chu kum 25 chuang te an awm tawh tih an sawi a ni.

MMSA te chuan PARDC te lungawilohna lantir mek chu an thlawp tih an sawi bawk a, nimin kha lungawilohna lantir nana mass casual leave an la ni 2 na a ni a, vawiinah office an kai chhunzawm leh ang a, an kal zel dan tur an ngaihtuah zui dawn tih an sawi.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram