Nimina Aizawl Vanapa Hall-a Mizo Zirlai Pawl rorelna sang ber Assembly neihah kum 2013-15-a MZP President atan Lalhmachhuana thlan a ni.
Nimina Assembly Aizawl Vanapa Hallah neihah hian an pawl tih tur te sawihoin an thu pawm zingah Mizoram a College hrang hrangin Lecturer indaih zawk an neih theih nan College hrang hrang a lecturer attached a awm te anmahni thawhna college \heuha dah let an nih theih nan hmalak te, Zirna in hrang hranga zirlai naupang te bag ah rit lutuk chhawk zangkhai a nih theih na tura thuneitute hnena thlente, Mizoram zirna in hrang hrang tan hun leh ban hun ti danglam tura sorkara thlen, kum 2014 chhunga MZP buatsaiha ‘ZOFEST’ neih, Mizo nationalism chungchang in zirtirna uar leh zual a kalpui leh Mizoram a zirna dinhmun zirchiana a tul ang a hmalak te, zirna kalphung thar CCE hman hnua Mizoram a zirna in a thatpui leh thatpui loh zirchian bakah Mizoram Sawrkar hnuai a hnathawkte pension kum tihsan a nih tawh loh nan hmalak tih chu pawm a ni bawk.
Nimin Assembly-a an pawl hruaitu thar an thlan chhuah te chu :
President : Lalhmachhuana
Vice President : Lalsangzuala Ngente
General Secretary : L. Ramdinliana Renthlei
Asst. Gen. Secy : Joseph K.Zohmingliana
Treasurer : R. Lalrokima
Finance Secretary : Michael Lalramsanga