Health Minister Pu Lalrinliana Sailo chuan `4,94,13,335/- senga sak Mizoram College of Nursing Building, Falkawn-a mi leh `1,49,96,899 /- senga sak Health Worker Training Institute Girls Hostel, Kulikawn-a mi chu nimin khan a hawng.
Nimina Mizoram College of Nursing Building hawnna inkhawmah hian Minister chuan department a thawkte leh engineer te thawhona \ha avanga building tha tak hawn theih a ni ta chu lawmawm a tih thu a sawi a, college a thawktu te chu thahnemngai taka thawk chhunzawm zel tura chahin, hmunhma tha an neih chu sawtpui ngei turin a chah bawk. Health Department in hmasawnna duhawm tak tak a nei chu lawmawm a tih thu a sawi bawk. He college sak a nih theihna tura Falkawn khaw mite in hawnna chu fakawm a tih thu a sawi bawk. Ruahmanna tha neih a tul zia sawiin Minister chuan kan sum hmuh ang ang te lapse lo tura Planning lamah tan lak thar a ngai a ni, a ti bawk.
He building hawnna inkhawm hi Pi Esther Lalruatkimi, Secy. H&FW Dept. in kaihruaiin, Rev. Ramngaihawma’n Pathian hnenah a hlan a. Pu R. Laltleipuia Asst. Engineer in technical report a pe a. Pi Lalchhanhimi, Principal, Mizoram College Of Nursing-in lawmthu sawina in he hun hi khar a khar a ni.
Mizoram College Of Nursing(MCON) hi kum 1980 a din a ni a. Din tirh anih chuan School Of Nursing tih a ni a, General Nursing & Midwifery-ah(GNM) Training pek a ni a. Hmunhma tha neih a nih loh vangin Indian Nursing Council chuan de-recognized a lo tum a. Kum 2005 October,11 ah khan College Of Nursing a hlankai a ni a, GNM mai bakah B.Sc.(Nursing) training programme a nei tel bawk a. Tunah hian University affiliation a nei tawh bawk. MCON hi Global Funding hnuaiah AIDS veite enkawlna Centre a ni bawk.
Health Worker Training Institute Girls Hostel hawnna inkhawm, Dr. K.Ropari, Director, H&FW Department kaihhruaiah hian Pu Lalrinliana Sailo chuan Girls Hostel tha tak hawn theih a a awm chu lawmawm a tih thu a sawiin, health dept. hmasawnna leh thanna chu lawmawm a tih thu a sawi bawk. Hriselna hi mitin chanvo a nih avangin mitin thlengpha theiturinsawrkarin hma a la a, ram economy a that chhoh zel chuan health worker tam zawk lak tum a nih thu a sawi bawk. Minister chuan zirlaite chu thiamna tak tak paw chhuak thei tur leh midang te tana malsawmna niturina chah a ni.
He building mi 60 awm theihna tur hi civil work – `1,32,65,940/- leh electrification – `17,30,959 /- senga sak a ni.
Pi Lalrinawmi Rokhum, SSI in he Girls Hostel hi Pathian hnenah a hlan a, Pi Lalthari Ralte,PNO, Principal Health Worker Training Institute in lawmthu sawina neiin he hun hi khar a ni.