Nimin a\ang khan Khawtetlang Field-ah Lalsawmliani & Lalthanchunga Memorial Football Running Trophy chu khelh \an a ni a, nimin khan Independence Day 2013 Football Tournament-a champion lai, Dinthar FC an chak zo lo a, AWC FC erawh an chak chiang hle.
Dinthar FC 2-2 Bungpui FC
Independence Day Football Tournament-a First Division Champion Dinthar FC leh Second Division Semi-Finalist Bungpui FC, Hriangtlang te inkhelah hian minute 24-naah Lalremruata goal thun hmangin Dinthar FC hian hma an hruai a, minute 37-naah Lalawmpuia chuan Dinthar FC goal 2-na a thun leh a, hei bak First Half-ah goal a lut lova. Second Half-ah Bungpui FC an rawn \ang chho hle a, inkhel \an a\anga minute 5 lekah C.Lalremruata chuan Bungpui FC tan goal a thun nghal a, minute 76-naah Zoramthanga chuan Bungpui FC si phurh a sut zova, hei bak goal dang a lut lova, 2-2-in an inhnehtawk a, he inkhelah hian Bungpui FC player pakhatin Red Card a hmu a ni.
AWC FC 5-1 Ainawn FC
Nikum lama First Round paltlang zo lo, AWC FC chuan kuminah bul an \an \ha hle a, AWC FC tan Lalhriatpuia chuan minute 15-naah goal hmahruai a thun a, mahse Ainawn FC lam hian minute 3 hnu lekah F.Lalrinmawia hmangin an sut ve leh nghal a, mahse minute 34-ah Lalhriatpuia bawkin AWC FC goal 2-na a thun zui leh a, minute 43-naah T.Malsawmkima chuan AWC goal 3-na thunin, minute 45-ah Lalhriatpuia bawkin AWC goal 4-na leh a hattrick siamna goal a thun leh a, First Half a zawh chuan AWC FC hian 4-1-in hma an hruai tawh a, Second half-ah erawh goal 1 chauh a lut a, minute 72-a AWC FC player Zothantluanga thun chu Second half goal awm chhun a ni a, huna tawp meuh chuan AWC FC hi 5-1-in an chak a ni.
Vawiin inkhel tur te
Vawiina inkhel tur zingah Group-D inkhel a hmuhnawm besei a ni a. Match hmasa berah Independence Day Football Tournament-a First Division Runner-up Hmar Veng FC leh Second Division Runner-up Chhiahtlang Kawn Veng FC te an inkhel dawn a, match 2-naah Second Division champion Kei\um FC leh Chhingchhip Venglai FC te an inkhel dawn a, Chhingchhip Venglai hi tunhnaiah Serchhip-ah an khel hmu lo mahila, hmanni lawka Ramlai Zone-a Runner-up an ni a, an chhiat lutuk a rinawm bik loh.
Fixture
Group D
Hmar Veng FC 9:00am Chhiahtlang Kawn veng FC
Chhingchhip Venglai FC 10:50am Keitum FC
Group C
Thenzawl Dinthar FC 12:40pm IOC FC
Zirtluanga Memorial FC 2:00pm Vengthar FC, Chanmari