Pu Haukhum Hauzel IAS, Member Secretary, State Planning Board Chairman-na hnuaia din, Mizoram Skill Development Society (MSDS) chuan Mizo thalai lehkhathiam, hna nghet leh thawh tur mumal neilote tan India ramchhung leh pawnah te hna an thawh theihna tur kawng kawhhmuh leh training pe turin, Mizoram Skills Expo 2013 chu ni 18 leh 19 September, 2013 hian a buatsaih dawn.
Skills Expo 2013-ah hian Pu H. Liansailova, Finance Minister chu Khuallian niin, September ni 18, 2013 zing dar 10-ah Hrangbana College, Golden Hall-ah neih a ni ang a, ni 19 September-ah Govt. Mizo High School Indoor Stadium-ah neih a ni thung ang.
He hun tihlawhtling tur hian India rama Skill Providers tha tak takte leh U.K. Skill Provider-te sawm an ni a, Mizo thalaite tana an tih theihte entirin, a duh apiang tan zawhna a zawh theih dawn a ni. Mizo thalai lehkhathiam, hna zawng mekte tel vek tura sawm an ni e.