Election Commission of India-in Mizoram inthlan hun leh vote chhiar hun a ruat sa thlak a nih theihna tur atana Chief Election Commissioner hmu tura Mizoram Pradesh Congress Committee-in a tirh te chuan nimin chhun dar 12:40 khan Delhi-ah CEC an kâwm.
MPCC thuchhuah tarlan dan chuan MPCC-in a tirh, Pu CL Ruala MP (LS), Pu Nirupam Chakma MLA leh Pu C. Lalruata Spokesperson, MPCC te chuan CEC hi hmu-in, Minute 40 chhung inkawmna hun ṭha tak neiin Kohhran chanchin pawh tam tak an lo zawt a, MPCC aiawha kalte hian an inkawmna boruak chu a zangkhai hle nia an hriat thu sawiin inthlan ni leh vote chhiar ni thlak chungchangah beiseina an nei sang hle a ni.
CEC VS Sampath hi Election Commissioner HS Brahma leh Officer 4-in an ṭawiawm a, Commissioner dang 2 chu an zin bo avangin an tel ve ta lova. Mizoram mipuiin an duhdan ECI a an thlen hi an lo ngaipawimawh hle niin MPCC thuchhuah chuan a tarlang a, MPCC palaite hi All India Congress Committee Secretary 2-in an ṭawiawm ve bawk a ni.