Nakum FIFA World Cup-ah C.Ronaldo emaw, Ibrahimovic emaw kan hmu dawn lo

Nakuma Brazil-a FIFA World Cup-ah Cristiano Ronaldo emaw, Zlatan Ibrahimovic emaw chu an tel ve thei dawn lo.

World Cup khel phak tur zawnna tur European Play-off-a inkhel turte siamfel a ni a, Portugal leh Sweden te an inhmachhawn dawn a, a chak lo zawk zawkin World Cup an khelh phak dawn loh avangin nakuma Brazil-a World Cup khelh turah Ronaldo zawk emaw Ibrahimovic zawk emaw hmel kan hmu dawn lo a ni.

Play-off-ah hian World Champion hlui France chuan Ukraine an hmachhawn dawn bawk a, Play-off khel tur zinga Ranking-a hniam ber Iceland hian Croatia an hneh chuan a vawi khatna atan World Cup an khel ve thei dawn a, Greece chuan Romania an hmachhawn dawn bawk a ni.

Play-off hi two-legged-a khelh tur a ni a, November ni 15 leh 19-ah khelh a ni dawn a, a chak zawk apiangin World Cup an khel thei dawn a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram