ZNP Sr. Vie-President-in ZTD nena an thawhho loh chhan sawi

Pu R.Lalawia, ZNP Sr. Vice President chuan “Kan party behchhana Regional Party thar din an tum hi ṭha kan tih loh vangin Zoram thar Duhtute (ZTD) nen kan thawkho leh dawn lo a ni,” a ti.

Nimina ZNP Gen. Hqrs chhung inkhawmah Pu R.Lalawia chuan ZTD leh ZNP inkara thutlukna puang chhuakin, “ZTD te nen kan thawkho leh dawnlo a ni. Kan thawhho loh chhan chu kan Party vote behchhana Regional Party thar din an tum vang a ni a, ZNP chuan Regional Party din ṭeuh hi ṭha kan ti lo. ZTD nen kan thawhho theih loh chhan dang pakhat chu – ZTD te chuan sawrkar hnathawk hlawh tihhniam an tum a, keini erawh chuan 7th Pay hmanga chinfel kan tum a, chuvangin kan inmil thei lo a ni” a ti bawk.

Pu Awia chuan Sinlung Hills Development Council chung chang sawiin, ZNP a sawrkar chuan Mizoram District hrang hrang hi Autonomous District Council (ADC)-ah kan dah let leh vek dawn a, Hmar tamna ADC ah chuan Hmar MDC pawh an tam ang a, chutiang bawkin Zomi tamnaah chuan Zomi MDC an tam ang a, Bru te pawhin an tamna bialah chuan MDC an nei ve zel dawn a ni. Hei hian hnam bil inlak hranna lam a kawk lo va, Tribal kan nihna hum him zelna tur zawk a ni.” a ti.

Pu Awia hian Pu KC Ramfangzauva lehkhabu buatsaih “Mi hrat khaw kheng, Lalduhoma Chanchin” tih a tlangzarh bawk a ni.

Leave a Reply

This site uses Akismet to reduce spam. Learn how your comment data is processed.