Zothlifim Logo
Loading ...
Mizoram NewsMizoram News

Mizoram pawn, Tripura-a Tuikuk awm te vote thlak tura Election Commission of India ruahmanna duh lovin, MSU member ten Inrinni khan Polling Party te ramri-a dan tumin Aizawl an chhuahsan nia hriat a ni.

MSU hian a tirah chu-an nimina Aizawl aṭanga Polling party te chhuak tur dan an tum zet a, mahse, Joint CEO, Pu H.Lalengmawia’n an biak leh hnu-ah ṭhulh lehin, Inrinni khan Tripura Transit Camp lam pana Polling Party kal turte chu ramri bula dan an tumin Inrinni khan Bus pahnih hmangin an kal chhuak leh ta tho a, he thu buatsaih lai thleng hian kawng lakah indan buai emaw a awm rih lo a, Inrinni tlai khan Mamit an tlan pel a, Mizoram leh Tripura inrina, Langkaih lui bulah awmhmun an khuar dawn niin thulakna chuan a tarlang.

MSU President, Zodinpuia chuan, “Tuikuk ten vote an thlak hi MSU chuan tihbuai a tum lo a, Tuikuk inthlanpui tura Mizo-ram atanga official te an kal erawh tul kan ti lo a. Mizoram chin atanga ngenna lo thlen nawn leh kan tum a ni,” a ti a. Kal chhuakte hi 100 rual niin a sawi.