Zothlifim Logo
Loading ...
India NewsIndia Chanchinthar

Nimin khan Vairengte Community Hall ah Assam sawrkarin Lailapura Weight Bridge a siam avanga lungawi lo, Bagha a sumdawngte, NGO te leh Vairengte a Joint VC leh NGO hrang hrangten Joint meeting an nei a. He meeting-ah hian tunhnaia Lailapur-a MVI Checkgate siamah Mizo Driver te leh sumdawngte bakah Bagha sumdawngte pawhin harsatna tam tak an tawk nia sawi a ni a, Checkgate leh Weight Bridge paltlang tur hian Bagha lamin `500/- an chawi laiin, Mizo te chu `1000/- te chawitir ṭhin an nih thu sawilan a ni.

Tunhmaa harsatna awm lova state pahnihte an inkalpa wh zung zung theih ṭhin lai leh Baghaa sumdawng te pawhin Mizorama lut tur an bungraw thawnah pawh harsatna an tawh ngai loh laiin he Checkgate leh Weight Bridge avang hian state pahnihte inkalpawhnaah harsatna tam tak a thleng ta a ni an ti.

Hetiang a nih avang hian Bagha-a ṭangrual pawl hrang hrang te chuan vawi tam tak thuneitu te hnenah an harsatna tawh hi hriattirin, MVI gate hi ṭhiat leh turin an ngen ṭhin a, an ngenna hian awmzia a neih loh avangin, Cachar DC hnen-ah tunhnai khan ni 3 chhunga ṭhiat tura ngenna thehlut lehin hemi chhunga hmalâkna hmuh tur ala awm loh avangin vawiin hian Baghaah Bandh huaihawt an tum ta tih an sawi a, he bandh hian vawiin, Zirtawpni zing dar 5 aṭangin ni 3 chhung a awh ang.

Bandh huaihawt a nih dawn avang hian Mizoram mipuite hriatthiamna an ngen a, hemi ni hian buaina a awm loh nan Mizo mipui te kal lo turin an ngen bawk a ni.