EVM chungchang ngaihtuah turin Judge pahnih ruat

MNF Party-in nikum Assembly inthlana EVM chung-changa Court-a an thu thehluh ngaihtuah turin Gauhati High Court Chief Justice, AM Sapre chuan Judge pahnih a ruat.

Zirtawpni-a he inkhinna hriattirna hi mi hrang hrang hnena pek chhuah a nih bakah hian Chief Justice chuan Gauhati High Court Aizawl Bench-a Portfolio Judge, Justice LS Jamir leh Justice Ujjal Bhuyan te chu hemi chung-chang ngaihtuah tur hian a ruat niin Gauhati High Court Aizawl Bench-a Registrar Pu R.Thanga chuan a sawi.

EVM_121541fPu C.Lalramzauva Advocate-in a sawi danin MNF MLA Candidate 23 te chuan thla hlui ni 23 khan Gauhati High Court-ah EVM chungchanga an lungawilohna thu hi an thlen a. An thu thlenah chuan EVM chu khawih chingpen ngei nia an hriat thu te, khawih chingpen ngei a ni tih finfiah mai a harsat avangin Court-in Expert Committee dina enfiah leh an phut thu te an tarlang.

Election Commission of India leh MizoramChief Electoral Officer te chu EVM uluk taka lo vawng a, vote tla te lo nawtreh lo tura tihna leh an thil hmuhchhuah atangin, EVM a lo diklo ngei tih Court-ah finfiaha a khingtu lamin thiam an chang a nih chuan, a tling tawh satechu tling lo-ah puangin a khingtu, a hmaa tlinga lo puan tawhte hnaih bertu (MNF candidate) te chu tlinga puan nise tiin Court-ah hian an thlen a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram