Excise & Narcotics Department chuan nizan hmasa zanlai pelh hnu khan Lunglei Bazar -Kikawn-ah Ganja kg 23 leh gram 400 an man a, a neitu a puh Thanglianngena (26) Hrianghmun, Champhai District-a cheng nia insawi pawh an man nghal a ni.
Thanglianngena hian heng Ganja te hi Myanmar aṭanga a lak niin a sawi a, Bag lian tak 2-ah a dah a. Lawngtlaia hralh tumin Lai Night Travels Bus-ah a phur a, Lunglei-a Excise & Narcotics duty te chuan an lo man ta a ni.