India ramah Zeng hri ûm bo a ni ta

Ramchhungah zeng hri umbo a ni ta a, Kum 3 kalta aṭang khan ramchhung khawi hmunah mah zenghri vei an awm thu hriat a ni tawh lo a, thlaleh khian WHO chuan India ram chu zenghri awm lohna hmunah a puan beisei a ni.

He thu lawmawm avang hian Ministry of Health and Family Welfare chuan nimin tlai khan New Delhi-ah programme buatsaihin a lawmna a siam a, zenghri umbo beihpui ngawrh taka thlak a nih hnuah he dinhmun lawmawm takah hian India chu a chuangkai a, kum 1980 khan zawnghri a lo umbo tawh bawk avangin, India ram chu heng hri pahnih lakah hian a fihlim ta a ni.

polioKum 2009 khan ramchhungah zenghri vei 741 hmuhchhuah an ni a, kum 2011 ah chuan 1 chauh an awm a chhinchhiah a nia, hemi hnu hian an awm ta lo bawk a ni.

Zenghri umbo tura beihpui thlakna hi kum 1995 khan ṭan a ni a, nimin thleng khan hetiang campaign pui tham hi ṭum 131 neih a ni a, naupang kum 5 hnuai lam vbc 17 vel zeng hri danna pe tur hian volunteer nuai 23 vel an thawk chhuak a, zenghri venna damdawi dose vbc 1210 vel hmanral a ni bawk a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram