Tunlai hian Mizoram hmunphiah chu state pawnah hralhchhuah mek niin, Vairengte Forest check gate-a an chhinchhiah dan chuan, kumin hian qtls 316 vel State pawnah thawn chhuah a ni tawh a. Dan lova hmunphiah hralh tumtute man an nih theih nana gate siam an tum erawh hmun remchang an hmuh mai loh avangin siam theih ala ni rih lo.
Mizoram atanga state pawna hmunphiah te hralh thei tur hian Kolasib district-ah Forest deptt. chuan mi 78 vel hnenah permit an pe a, heng permit an pek atanga alan dan chuan state pawna Hmun-phiah hralhchhuah tur zat hi qtls 700 vel ni a hriat a ni.
Hetianga hmunphiah hralh chhuah tur hi Vairengte Forest checkgate ah chhinchhiah thin niin, Hmunphiah huan neite hnen atangin Royalty Kg khat zelah Rs 3.50 leh mimal huan lova hmunphiah lak atangin Kg khat zelah Royalty `7/- zel lak a ni bawk.
Vairengte Forest checkgate paltlanga hmunphiah hralh tawh zawng zawng hi qtls 316 a tling tawh a, Mizoram a Hmunphiah lakhawm tur hian Vairengte-ah Collection Centre eng emawzat awmin, heng mi te hian State pawn Lailapur leh Bagha velah ah hralh deuh ber thin a, a rate hi a chhiat lai ber pawhin Kg 1 Rs 20 te niin, tun dinhmun ah hmunphiah a tlem deuh tawh avangin Kg 1 hi Rs 29 velin an hralh mek a ni.
Hetihlai hian Vairengte Forest Deptt. ten Dan lo anga hmunphiah hralh tumtute man an nih theih nan a gate siam an tum chu check gate atana hman tur hmun remchang an hmuh mai loh avangin gate an la siam thei rih lo ni a thu dawn a ni a. Forest Deptt. thawktute hnen atang thudawn danin Vairengte Zalen veng a an check gate chu hmunphiah hralh chhawngtu thenkhat ten Saihapui road leh Bus Station kawng atangin an hel thin ni an sawi a.Hei vang hian Vairengte Kawngthar veng tawp lamah check gate hi siam belh tumin hma an la mek a, Check gate tur hian a ram leh a hmun tur chu hmu tawh mahse helai hmunah hian In ding sa a awm loh avangin check gate hi an la siam thei rih lo niin an sawi.