Mizoram News

Minister 2-in Aizawl New Market tlawh

Nimin zingkar khan Aizawl New Market chu Pu H.Rohluna, Minister, Trade & Commerce Department, etc., Pu Lalsawta, Minister, Finance, etc. leh Pu Joseph Lalhimpuia, Parliamentary Secretary, Trade & Commerce Department-te chuan an tlawh a. Sa-Dawr-cum-Seconhand Building ṭhiah leh sak ṭhat dan turte chu Architect-te leh Consultant-te nen chipchiar takin an en ho a ni.

Sa Dawr Building sak nan hian North Eastern Council (NEC) ah cheng vaibelchhe 13 senna tur Detailed Project Report (DPR) thehluh niin, hmuh ngei beisei a ni a, Trade & Commerce Department Minister hian New Market Building dangte pawh Master Plan zulzuia changkang taka sak tum a nih tur thu a sawi a. Finance Minister chuan 14th Finance Commission aṭangin Market sak nan hian cheng vaibelchhe 75 senna tur Concept Paper thehluh tur niin, hmuh theih ngei a beisei thu a sawi bawk.

He New Market Master Plan-ah hian Motor Parking tha te, Bawlhhlawh paihna mumal zawkte leh Building chhawng tinah Rualbanlo-te kal theihna tur Rammed siam vek a nih tur thu Minister te hian an sawi bawk a, Minister te hian Bazar chhung chipchiar takin an fang kual bawk a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram