Food, Civil Supplies and Consumer Affairs Minister Pu John Rotluangliana chuan phai lam aṭanga buhfai lei ṭhin chu tihtlem a, Mizorama buhfai thar a tam thei ang ber lei tum a ni a ti.
Zirtawpni leh Inrinnia a bial Mamit khaw hrang hrang a fannaah he thu hi sawiin Pu John Rotluangliana chuan Mizo-ram leh Mizopa buhfai thar chhuah ngei local purchase kaltlangin a tam thei ang ber lei tum a nih thu a sawi a, hemi atan hian ruahmanna siam mek leh hmalak mek a ni, a ti.
He ruahmanna tipuitling tur hian District tina Agriculture Office-ah te lehkha thawn a nih tawh thu a sawi a. Mizoram buhfai tharchhuah local purchase hmanga Sawrkarin a lei theih chuan phai lama buhfai ei lovin mahni tharchhuah ngei engemawzat Mizote’n an ei thei dawn a, buhfai tharchhuah tam lamah inelna ṭha a awm thei dawn a ni, a ti bawk.