Mizoram-in Award dawng leh

Buh leh bal tharchhuah kawnga hmasawnna avangin Mizoram chuan Krishi Karman Commendation Award 2012-13 a dawng leh.

Chawimawina hi Thawhṭanni khan New Delhi ah President, Pranab Mukherji chuan Lok Sabha MP Pu C.Lalruala hnenah a hlan a, buhbal tharchhuah kawnga hmasawn leh titha te chawimawna a ni a, Mizoram rual hian state dang 5- Uttar Pradesh, West Bengal, Arunachal Pradesh, Meghalaya leh Tripura ten an dawng a ni.

He chawimawina Mizoramin a dawn chhan chu eibar a intodelh tak vang ni lovin, buh bal thar chhuah kawnga hmasawnna a neih vang a ni ber a, kum tina thar chhuahin kiam lam pan lova pun lam a pan chhoh ve hret hret vang a ni ber tih sawrkar thuchhuah chuan a tarlang a, Buh tharna tur Leilet siam belh zel vang te, Buh chin hlawk dan thar hmanavangte leh Buh chi ṭha leh hlawk chin chhoh ve zel vang te a tharchhuah a lo pung chhoh ve zel vang a ni.