Mizoram News

MNF Returnee zinga mi 555-in sawrkar hna hmu tawh

MNF returnee, inremna avanga lokir mi 572 zinga 555 chuan sawrkar hna an hmu tawh a, heng te hi Peon aṭanga Assistant hna ah te thun an ni.

MNF Returnee ṭhahnem tak chu MNF term hmasa ber, Pu Laldenga Chief Minister laiin Police, Excise, Forest Guard etc. ah thun an ni a, a hnu-ah special-in mi 233 thun leh an ni a, tunhnai khan mi 49 te appointment order hi tihchhuah leh a niin tunkar chho hian mi 21 appointment tihchhuah leh leh a ni dawn nia thudawn a ni. PAMRA President Pu B.Zorampara chuan, “Pathian-in mal min sawm a, hetianga duhsakna kan dawng hi kan lawm a, sawrkar chungah lawmthu kan sawi tak zet a ni,” a ti.

India sawrkar leh MNF inremna avanga lokir te hi an vaiin mi 572 an ni a, an zinga 121 chu an boral tawh a ni.

PAMRA hi kum 2002 ah din ṭan a ni a, MNF Returnee te hian In sak ṭanpuina ₹1,14,820 an dawng vek a, anmahni emaw an chhungte hnenah sawrkar hna hi pek an ni a, a sang ber Assistant hna hi mi 11 in an thawk a ni.

Tunhnaia sawrkar hna pek thar 49 zingah hian Assistant 2, LDC 10 leh Peon 37 te an ni. Returnee zinga sawrkar hna pek ve loh te – Laldenga (L), Zoramthanga, Tawn-luia, Lalrinchhana, Rual-chhina, K.Vanlalauva, D.Thangliana, Zokungpuia, Maj. Kapchhunga, Hrang-duna, Lt. Thanzuala, Kap-kima (L), Biakliana (L), K Lalthawmmawia, Zosang-liana, Zothantluanga (Valtea), Lalhmangaiha

-zalen.co.in

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram