MPC-in Assembly-ah Ruat seat neih duh

MPC Party President Pu Lalhmangaiha Sailo chuan, Mipui lam chu hmasawnna kawng zawh turin an inpeih reng a, sawrkar te zawkin an tibeidawng ṭhin a ni,” a ti.

Nimina an party Executive Committee Meeting-ah thusawiin Pu Lalhmangaiha chuan, Mizote ngaihtuahna leh hawiher chu changkang em em a. Inthlan apiangin mipuiten beiseina sang tak neiin Mizorama rorel tur hneh takin an thlang tling thin a, amaherawhchu Ruling Party nia sawrkarna siamtuten mipui beiseina an tibeidawng fova ni a ti a, hetihlai hian MPC Party chu Hmasawnna Policy nei tha ber ni a insawiin, tunah tlahniam deuh angin lang rih mah se, dinchhuah hun an la nei ngei ngei ang’ tih a sawi bawk.

MPC Executive Meeting chuan resolution siamin Mizorama hnam tlem zawk te, hmeichhia te leh mi chhuanawm mipui rawngbawlnaa tangkai taka inhmangte aiawh tur bik, Mizoram rorelna sang ber Mizoram Legislative Assembly-a neih a nih leh theihna turin, henghote tana Ruat Seat neih leh chu hnam inpumkhatna tha zawk leh mipui aiawh zo – Democracy sawrkar neih theihna atan thiltih makmawha ni an ti a.

India danpui siam danglama, Mizoram State Assembly-a Ruat Seat 5 neih belh theihna turin, Mizoram Legislative Assembly thutihtlukna hmang ngeia Sawrkar Laipuia he thil hi chak taka nawr zui anih theihna turin March thlaa Assembly Session neih turah an Party MLA Pu Lalthanliana’n Private Resultion thehlut rawh se an ti a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram