Mizoram Olympic Association

MSOA-in hmalak zel dan tur rel

Mizoram State Olympic Association (MSOA) chu an President, Chief Minister Pu Lal Thanhawla hovin a Office Chamber-ah nimin khan Meeting an nei a. He meeting-ah hian MSOA in Olympic 2016-a Mizo ṭhalaite tel ve thei tura a hnathawhte thlirhovin, hmalak zel dan tur an rel a ni.

Mizoram Olympic Association
Mizoram Olympic Association

Chief Minister chuan kum 2016-a Olympic Games neih turah India aiawha Mizo tirh chhuah chu MSOA in a tum leh duhthusam a ni a ti a. An inbuatsaihna ringawtah pawh khawvel huap inelna hrang hrangah tel tawhin, an la tel zel ang a. Heng atang hian experience hlu tak an nei dawn a ni, a ti.

MSOA Sr. Vice President leh Sports and Youth Services Minister ni bawk Pu Zodintluanga pawhin Mizo thalai te tan India team-a tel theihna chance a awm nan leh, a remchan anga sum leh hmanrua a puih chu MSOA duh dan a ni, a ti bawk. Nimin meeting-ah hian Olympic Games-a tel thei tur awm infiammi thlanchhuahte ṭanpui dan tur kawng hrang hrang sawiho a ni a. Heng bakah hian Olympic Day Run 2014 hman dan tur te leh hmalakna dang hrang hrang ngaihtuahho a ni

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram