Nimin khan MZP Executive Committee meeting chu MZP Pisa pui-ah neih a ni a, meeting hi Pu Lalhmachhuana president-in a kaihhruai a, meeting-ah hian Zofate Chawlhbuk Bonapansury a sak tura hmalak zel dan tur chungchang leh North East mi ten harsatna an tawh chungchang te rel a ni.
Meeting chuan kan ram CADC huamchhung Bonapansury ah MZP Lunglei Headquarters ten Zofate Chawlhbuk sak an tum chungchang a harsatna an tawh avanga an sak theih loh chu pawi a tiin kan ram chhung Bonapansuri ah Zofate chawlhbuk sak a nih ngei theih nan MZP General headquarters bultum hmalak a ni ang.
Meeting chuan tunlaia India ram khawpui ber Delhi a India hmarchhak mi ten harsatna an tawk fo mai chu thalo a tiin hriatthiam harsa a ti hle a, Ni 7th Febuary, 2014 (Zirtawpni) a Delhi, Munirka a Mizo hmeichhe tleirawl kumtlinglo in pawngsual a tawk hi a dem tak zet a. Tin, tunhnai a India hmarchhak mi ten harsatna hrang hrang a tawh Arunachal zirlai Nido Tania thah a ni leh Manipur hmeichhia pawngsual a nih avangin North East Students’ Organisation (NESO) huaihawt in Ni. 14th January, 2014 (Zirtawpni) hian Guwahati Raj Bhawan kawt ah lungawi lohna lantir in hmarchhak zirlai te an pungkhawm dawn a, hetih rual hian India hmarchhak state tin a zirlai pawl hrang hrang North East Student Organisation (NESO) member ten anmahni State Governor te kaltlangin India President leh Prime Minister te hnen ah Memorandum inang an thehlut tura a tih ang in MZP chuan Ni,14th January, 2014 (Zirtawpni) hian Mizoram Governor hnen ah memorandum a thehlut dawn a. Gauwahati a lungawilohna lantir zawh ah hian hmarchhak zirlai pawl hrang hrang te chuan hmarchhak mite himna tura hmalak a nih theih nan Delhi pan an tum bawk a ni.